YRG Info:
Sea Lion Distribution Solutions Center ဖွင့်လှစ်
==================================
မတ် ၂၅ ရက်
Sea Lion Distribution Solutions Center ဖွင့်ပွဲ အခမ်းအနားကို ယနေ့၊ နံနက်(၉)နာရီတွင် ဒဂုံမြို့သစ်(တောင်ပိုင်း)မြို့နယ်၊ မြဝတီမင်းကြီးလမ်းနှင့် ယောမင်းကြီးလမ်းရှိ ကျန်စစ်သားစက်မှုဇုန်၌ ပြုလုပ်ခဲ့ရာ ကျန်းမာရေးနှင့် အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေး၊ ပြည်ထောင်စု ငြိမ်းချမ်းရေးကော်မရှင် ဥက္ကဌဒေါက်တာတင်မျိုးဝင်းနှင့် ရန်ကုန်တိုင်းဒေသကြီး အစိုးရအဖွဲ့၊ ဝန်ကြီးချုပ်ဦးဖြိုးမင်းသိန်းတို့ တက်ရောက်၍ ဖဲကြိုးဖြတ်ဖွင့်လှစ်ခဲ့သည်။
Sea Lion Group သည် အခြားမိတ်ဖက် အဖွဲ့အစည်းများနှင့် ပူးပေါင်း၍ ၂၀၁၃ ခုနှစ်မှ ၂၀၁၇ခုနှစ်အတွင်း ပြည်တွင်းသင်တန်း (၄၂၆)ခု၊ ဆေးပညာရပ် အထူးပြုနယ်ပယ် (၂၁)ခုမှ ကျန်းမာရေး စောင့်ရှောက်မှုပေးသူ (health care professional) (၁၄၂၂၉)ဦး၊ အလုပ်သင်ဆရာဝန်နှင့် ဘွဲ့လွန်သင်တန်းသား (၄၇၀၀)ဦးခန့်အား ပညာသင်ဆုများ ပေးအပ်ခဲ့ပြီး ကျန်းမာရေး ဝန်ထမ်းပေါင်း(၅၀၀)ကျော်ကို ပြည်ပနိုင်ငံပေါင်း(၂၁)နိုင်ငံသို့ ဆေးပညာကာလတို သင်တန်းများ၊ ကာလရှည် သင်တန်းများ၊ အလုပ်ရုံဆွေးနွေးပွဲများ၊ ညီလာခံများ တက်ရောက်ရန် စေလွှတ်ခဲ့ကြောင်း၊ ရန်ကုန်ပြည်သူ့ဆေးရုံကြီးနှင့် မန္တလေးပြည်သူ့ဆေးရုံကြီးတို့တွင် Training and Conference Center များ တည်ဆောက်ခဲ့ပြီး မိခင်နှင့်ကလေး ကျန်းမာရေး၊ နှလုံးရောဂါဆိုင်ရာ ဆေးပစ္စည်းကိရိယာများ ကူညီပံ့ပိုးပေးခဲ့ကြောင်း၊ ဆေးတက္ကသိုလ် (၁) (ရန်ကုန်)တွင် နိုင်ငံတကာအဆင့်မီ Skill Lab တစ်ခု တည်ဆောက်ရာတွင် ကျွမ်းကျင်မှုပိုင်းဆိုင်ရာ နည်းပညာအကူအညီနှင့် Clinical domain မှ ဆေးနှင့်ဆေးဘက်ဆိုင်ရာ ကျွမ်းကျင်ပညာရှင်များကို ပညာတော်သင်များ စေလွှတ်သွားမည်ဖြစ်ကြောင်း သိရသည်။
YRG Info:
Facebook link: https://m.facebook.com/story.php?story_fbid=2292862497446478&id=1658923484173719